ქუთაისის სასამართლომ საარჩევნო უბნების შედეგების ბათილობის შესახებ სარჩელი არ დააკმაყოფილა
გამოქვეყნდა:
ქუთაისის საქალაქო სასამართლომ საარჩევნო უბნების შედეგების ბათილობის შესახებ არასამთავრობო ორგანიზაციების მოთხოვნა არ დააკმაყოფილა.
მესამე სექტორმა სასამართლოს სარჩელით 2 ნოემბერს მიმართა და ქუთაისში 17 უბნის შედეგების ბათილად ცნობა და კომისიის თავმჯდომარეების დისციპლინური პასუხისმგებლობა მოითხოვა.
სასამართლო პროცესს აღნიშნული უბნების კომისიების თავმჯდომარეებიც ესწრებოდნენ, რომლებმაც მესამე სექტორის ბრალდებები უარყვეს და განაცხადეს, რომ მსგავსი ტიპის დარღვევები მათ საარჩევნო უბნებზე არ ყოფილა.
