"ეს იყო ყავაზე მკითხაობა, მეტი არაფერი..." | გიორგი რურუა მაგისტრი მოსამართლის წინაშე გამოიკითხა
გამოქვეყნდა:
"ეს იყო ყავაზე მკითხაობა, მეტი არაფერი..." - ამის შესახებ "მთავარი არხის" ერთ-ერთი დამფუძნებელი გიორგი რურუა საქალაქო სასამართლოს დატოვების შემდეგ საუბრობს, სადაც მაგისტრი მოსამართლის წინაშე გამოიკითხა.
"ყავაზე მკითხაობაზე რომ იყოს მუხლი, იგივეა ზუსტად. არანაირი ტერორიზმის გარშემო კითხვა არ ყოფილა. ეს იყო ყავაზე მკითხაობა, მეტი არაფერი" - ამბობს რურუა.
გიორგი რურუამ გუშინ, 5 ნოემბერს გამოაქვეყნა სუს-იდან მიღებული უწყება - მან დაწერა, რომ სახელმწიფო უსაფრთხოების სამსახური გამოკითხვაზე ორი მუხლით - სახელმწიფო გადატრიალებისა და ძალადობრივი დამხობით იბარებდა.
