"გვერდში ვუდგავართ ყველა იმ სტუდენტს, ვინც ამ წამს იბრძვის" | პროტესტს სამხატვრო აკადემიის სტუდენტებიც უერთდებიან
გამოქვეყნდა:
სტუდენტების პროტესტს სახელმწიფო სამხატვრო აკადემიის სტუდენტებიც უერთდებიან.
მათი თქმით, ემიჯნებიან ყველაფერს, რაც საქართველოს ევროკავშირს აშორებს.
"ჩვენ, თბილისის აპოლონ ქუთათელაძის სახელმწიფო სამხატვრო აკადემიის პირველი კურსის სტუდენტთა დიდი ნაწილი, ვეხმაურებით ქვეყანაში მიმდინარე მოვლენებს და სოლიდარობას ვუცხადებთ და გვერდში ვუდგავართ ყველა იმ სტუდენტს, ვინც ამ წამს იბრძვის ჩვენი საერთო ევროპული მომავლისთვის. არ ვეგუებით და ვემიჯნებით ყველაფერს, რაც ჩვენ გვაახლოებს რუსეთთან და გვაშორებს ევროკავშირს.
ჩვენ ვცხოვრობთ ხელოვნებით, ვემსახურებით მას და ვთვლით, რომ ხელოვან ადამიანებს განსაკუთრებული პასუხისმგებლობა გვაქვს თავისუფლების იდეასთან. ხელოვნება კი არის ცოცხალი და დამოუკიდებელი.
ჩვენ ყოველდღე ისეთ ფურცლებზე ვხატავთ, უკან რომ არ ჟონავს.
პირობას ვდებთ, ვემსახურებით ჩვენს ქვეყანას და არავის დავუთმობთ მთავარს, გამოხატვის თავისუფლებას!" - ნათქვამია განცხადებაში.
საერთო პროტესტს 10-მდე უნივერსიტეტის სტუდენტები შეუერთდნენ. ისინი ხელახალი არჩევნების ჩატარებას ითხოვენ.
