დავით ფურცხვანიძეს ბრალი ოფიციალურად წარედგინა

გამოქვეყნდა:

თამარ ბაჩალიშვილის საქმის ერთ-ერთ ფიგურანტსა და სატელიტური ფოტოების გამავრცელებელს, დავით ფურცხვანიძეს ბრალი ოფიციალურად წარედგინა. 

ფურცხვანიძის ადვოკატს, ნოდარ მესხს საქმის მასალები ამ დრომდე არ გადასცემია, ბრალდებული კი დუმილის უფლებას იყენებს. 

არ მგონია, ფურცხვანიძეს იმის ინტერესი ჰქონოდა, რომ საკუთარი თავისთვის პრობლემები შეექმნა. ამერიკაში წასვლა მიმალვის მცდელობით არ უნდოდა, ეს იყო მხოლოდ სამსახურეობრივი მივლინება, რომელიც დასრულდებოდა რამდენიმე დღეში და დაბრუნდებოდა უკან, - ამბობს ადვოკატი. 

შეგახსენებთ, რომ გუშინ, 25 სექტემბერს დავით ფურცხვანიძეს ბრალი საქართველოს სისხლის სამართლის კოდექსის 369-ე პრიმა მუხლის პირველი ნაწილით და ამავე კოდექსის 370-ე მუხლის მეორე ნაწილით წარედგინა, რაც მტკიცებულებათა ფალსიფიკაციასა და პირადი მოტივით მართლმსაჯულებისათვის ხელის შეშლას გულისხმობს. დანაშაული 2-დან 6 წლამდე პატიმორობას ითვალისწინებს.

აქვე, საქმე ეხება სატელიტის ფოტოებს, რომლებზეც პროკურატურა აცხადებს, რომ დამონტაჟებული და ყალბია.  ბაჩალიაშვილების ოჯახის ადვოკატს, მიხეილ რამიშვილს  ფოტოები დავით ფურცხვანიძემ მიაწოდა. ფურცხვანიძე აცხადებს, რომ ბაჩალიაშვილის საქმე დიდი საერთაშორისო აფიორის ნაწილია და ის "შორს შეტოპვის" გამო მოიშორეს.

ცნობისთვის, თამარ ბაჩალიაშვილი 18 ივლისს გაუჩინარდა. ახალგაზრდა პროგრამისტი თეთრიწყაროს ტყეში, საკუთარ მანქანაში გარდაცვლილი იპოვეს.

მთავარი 21:00
უყურეთ ბოლო გამოშვებას

იხილეთ ჩვენს ეთერში

დღის მთავარი