საქართველოში კორონავირუსისგან კიდევ ერთი, 32-ე პაციენტი გარდაიცვალა. ინფორმაცია ამის შესახებ StopCov-ს ვებგვერდზე განახლდა.
გარდაცვლილის შესახებ დამატებითი დეტალები ჯერ უცნობია.
შეგახსენებთ, რომ დღეს, 28 სექტემბერს საქართველოში კორონავირუსით ამ პაციენტის გარდა კიდევ 3 პაციენტი გარდაცვალა, მათგან ორი ბათუმში, ხოლო 1 თბილისში მკურნალობდა. სამივე პაციენტს ვირუსის გარდა მწვავე თანმხლები დაავადებები ჰქონდათ.
გასულ 24 საათში საქართველოში კორონავირუსის დადასტურებული შემთხვევები რეკორდულად - 298-ით გაიზარდა. ამასთან, გამოჯანმრთელდა 148 ადამიანი. ინფიცირებულებიდან ყველაზე მეტი, 175 ადამიანი, ისევ აჭარიდანაა.
ბოლო მონაცემებით საქართველოში:
- კორონავირუსით ინფიცირებულია - 5 254;
- გამოჯანმრთელებულია - 2 054;
- მათ შორის გარდაცვლილია - 31
- კარანტინის რეჟიმში რჩება - 5 637
- კოვიდ სასტუმროში მყოფი პირები - 800
- სტაციონარში მეთვალყურეობის ქვეშ - 836, მათ შორის საქართველოში სამკურნალოდ გადმოყვანილია - 41 პაციენტი.
შეგახსენებთ, რომ კორონავირუსის პირველი დადასტურებული შემთხვევა საქართველოში 26 თებერვალს გამოვლინდა
ბოლო მონაცემებით, მსოფლიოში ინფიცირებულთა საერთო რაოდენობამ 33 მილიონს გადააჭარბა, მათგან გამოჯანმრთელდა თითქმის 25 მილიონი ადამიანი და გარდაიცვალა 1 მილიონი.
