ფრანგულმა კომპანია IPSOS - მა "მთავარი არხის" დაკვეთით არჩევნებამდე კიდევ ერთი კვლევა ჩაატარა და კითხვაზე - თუ კოალიციური მთავრობის ფორმირება მოხდა, რომელი პარტიები უნდა იყვნენ აუცილებლად კოალიციურ მთავრობაში? - პასუხები ასე გადანაწილდა:
- ენმ და გაერთიანებული ოპოზიცია - 28%
- ევროპული საქართველო - 27 %
- სტრატეგია აღმაშენებელი - 20 %
- ქართული ოცნება - 19%
- ლეიბორისტული პარტია - 13%
- მოქალაქეები - 13%
- პატრიოტთა ალიანსი - 13%
- ლელო - 12%
- გირჩი - 7%
- თავისუფალი საქართველო - 7%
- ერთიანი საქართველო - 7%
აღსანიშნავია, რომ ამ კითხვაზე რესპოდენტებს ერთდროულად რამდენიმე პასუხის არჩევა შეეძლოთ.
ნიშანდობლივია, რომ 2 კვირის წინ გამოქვეყნებულ კვლევის შედეგებთან შედარებით, მნიშვნელოვნადაა დაცემული მმართველი პარტიის რეტინგი: თუ კი ქართულ ოცნებას, კოალიციურ მთავრობაში, წინა კვლევის თანახმად, 23.5 % ხედავდა, დღეს მხოლოდ 19% ფიქრობს რომ "ოცნება" კოალიციურ მთავრობაში უნდა მოხვდეს.
შეგახსენებთ, "მთავარი არხის" დაკვეთით, IPSOS-მა კვლევა 23 სექტემბრიდან - 1 ოქტომბრის ჩათვლით პერიოდში ჩაატარა. საქართველოს მასშტაბით სულ 1500 რესპონდენტი გამოიკითხა, კვლევის ცდომილება +-2,5%-ია.
კანონით გათვალისწინებული ინფორმაცია გამოქვეყნებულია ჩვენს ვებსაიტზე mtavari.tv სექტორში "არჩევნები 2020".
