პოლიციის გამოყოფა შსს-დან, პროკურატურის გაყოფა...- მოსახლეობის აზრი მიხეილ სააკაშვილის გეგმებზე

ფრანგულმა კომპანია IPSOS - მა "მთავარი არხის" დაკვეთით არჩევნებამდე რამდენიმე კვირით ადრე რიგით მეორე კვლევა ჩაატარა.  კვლევის ფარგლებში კითხვა დაისვა მიხეილ სააკაშვილის გეგმის - 9 ნაბიჯი სამართლიანობისკენ - და რესპონდენტებს ამ გეგმის პუნქტების შეფასება სთხოვეს. 

პოლიციის დეპოლიტიზაცია, გამოყოფა შსს-დან და ხელმძღვანელის ნომინირება არასამთავრობოების მიერ და ოპოზიციის მინიმუმ 1/3-ით დამტკიცება:

• დადებითი 50%
• უარყოფითი 23%

პენიტენციალური სისტემის გამოყოფა იუსტიციის სამინისტროდან, ხელმძღვანელის ნომინირება არასამთავრობოების მიერ და ოპოზიციის მინიმუმ 1/3-ით დამტკიცება

• დადებითი 51%
• უარყოფითი 19 %

პროკურატურის დეპოლიტიზაცია, ორ დამოუკიდებელ უწყებად გაყოფა, ხელმძღვანელების ნომინირება არასამთავრობოების მიერ და ოპოზიციის მინიმუმ 1/3-ით დამტკიცება

• დადებითი 45%
• უარყოფითი 21 %

პარლამენტის ადამიანის უფლებათა კომიტეტის თავმჯდომარედ ოპოზიციის წარმომადგენლის დანიშვნა

• დადებითი 54%
• უარყოფითი 22 %

დადებითის და უარყოფითის გარდა, დანარჩენი პასუხი ნეიტრალურია, ან არ პასუხობს, ან არ იცის.

"მთავარი არხის" დაკვეთით, IPSOS-მა კვლევა  23 სექტემბრიდან - 1 ოქტომბრის ჩათვლით პერიოდში ჩაატარა. საქართველოს მასშტაბით სულ 1500 რესპონდენტი გამოიკითხა ცდომილება +-2,5%-ია.

კანონით გათვალისწინებული ინფორმაცია გამოქვეყნებულია ჩვენს ვებსაიტზე mtavari.tv, სექტორში "არჩევნები 2020".