"ოცნების" პარლამენტმა პარტიების აკრძალვასთან დაკავშირებულ საკანონმდებლო პაკეტს I მოსმენით მხარი დაუჭირა

"ოცნების" პარლამენტმა პოლიტიკური პარტიების აკრძალვასთან დაკავშირებულ საკანონმდებლო პაკეტს, პირველი მოსმენით, მხარი დაუჭირა. კანოპროექტს მხარი 83 ხმით დაუჭირეს მხარი.

"წარმოდგენილი კანონპროექტის მიღებით, საკონსტიტუციო სასამართლოს ექნება შესაძლებლობა განახორციელოს ეფექტიანი საკონსტიტუციო კონტროლი პოლიტიკური პარტიებზე, რომელთა მიზანია საქართველოს კონსტიტუციური წყობილების დამხობა ან ძალადობით შეცვლა, ქვეყნის დამოუკიდებლობის ხელყოფა, ტერიტორიული მთლიანობის დარღვევა ან რომელიც ეწევა ომის ან ძალადობის პროპაგანდას, აღვივებს ეროვნულ, ეთნიკურ, კუთხურ, რელიგიურ ან სოციალურ შუღლს. შესაბამისად, იმ პირებს, რომლებსაც აქვთ სურვილი კვლავ ზემოაღნიშნული პარტიების არსებითად მსგავსი ახალი პარტიები დააფუძნონ და კვლავ განაგრძონ არაკონსტიტუციური საქმიანობა, სასამართლო წესით აეკრძალებათ ასეთი ფიქციური პარტიების მეშვეობით მოქმედება", - წერია "ოცნების" მიერ წარდგენილ კანონპროექტში.

პროექტის მიხედვით, კანონი გამოქვეყნებისთანავე ამოქმედდება.

შეგახსენებთ, რომ 27 მარტს, მამუკა მდინარაძემ განაცხადა, რომ ოპოზიციური პარტიების არაკონსტიტუციურად გამოცხადებას გეგმავენ. ამ მიზნით, "ოცნება" საკონსტიტუციო სასამართლოსთვის მიმართვას გეგმავს.