არანაირი კოალიციური მთავრობის საჭიროება არ იქნება - კალაძე IPSOS-ის კვლევებზე
გამოქვეყნდა:
მერი კალაძე ამბობს, რომ კოალიციური მთავრობა არ იქნება და 2020 წლის საპარლამენტო არჩევნებს "ქართული ოცნება" ერთპიროვნულად მოიგებს.
კალაძე "მთავარი არხის" დაკვეთით, კომპანია IPSOS-ის კვლევებს გამოეხმაურა და აღნიშნა, რომ მმართველი გუნდის მხარდაჭერების რაოდენობა, ყველა კვლევაში ჩანს:
საქართველოში ერთადერთი პოლიტიკური პარტია გახლავთ „ქართული ოცნება დემოკრატიული საქართველო“, რომელსაც აქვს ყველანაირი შესაძლებლობა იმისთვის, რომ არჩევნები მოიგოს პირველივე ტურში და არანაირი კოალიციური მთავრობის საჭიროება არ იქნება. პარტიას აქვს ძალიან დიდი მხარდაჭერა საზოგადოების მხრიდან, ეს ჩანს ყველა კვლევაში, ეს ჩანს იმ შეხვედრებზე, იმ კომუნიკაციაში, რომელიც ყოველდღიურ რეჟიმში გვაქვს - ამბობს კალაძე.
"მთავარი არხის" დაკვეთით, IPSOS-მა კვლევა 23 სექტემბრიდან - 1 ოქტომბრის ჩათვლით პერიოდში ჩაატარა. საქართველოს მასშტაბით სულ 1500 რესპონდენტი გამოიკითხა ცდომილება +-2,5%-ია.
კანონით გათვალისწინებული ინფორმაცია გამოქვეყნებულია ჩვენს ვებსაიტზე mtavari.tv, სექტორში "არჩევნები 2020".
