ახალი ფარისევლობა წინასაარჩევნოდ - ივანიშვილი ყოფილ იპოდრომს თბილისს ჩუქნის

ახალი ფარისევლობა ბიძინა ივანიშვილისგან - ოლიგარქმა ყოფილი იპოდრომის ტერიტორია თბილისს აჩუქა და ახლა აქ პარკი გაშენდება.

როგორც ჩანს, ბიძინა ივანიშვილმა ბნელ ოთახში კატა უკვე იპოვნა. ყოველი შემთხვევისთვის, ივნისის თვეში  ნათია თურნავა იპოდრომის  შესახებ კრიტიკულ შეკითხვებს  ასე პასუხობდა. მაშინ, ეს ტერიტორია ბიძინა ივანიშვილმა ბიძინა ივანიშვილსგან 60 მილიონ ლარად შეიძინა. ახლა კი, როდესაც არჩევნებამდე 20 დღეა დარჩენილი 60 მილიონიანი ქონება თბილისელებს უსასყიდლოდ გადასცა. მერმა ამ ამბავს, დღეს პომპეზური პრესკონფერენციც მიუძღვნა და გამოსვლაში ბიძინა ივანიშვილსა და მის ოჯახს რამდენჯერმე მადლობაც გადაუხადა.

კახი კალაძემ,  როგორც ჩანს პროექტის წარმოდგენა დღეს ვერ მოასწრო, სამაგიეროდ, პრეზენტაცია ხვალისთვის დაგვიანონსა. ფონდი ქართუ წარმოამდგენლებთან ერთდ თბილისის მერი დღეს დაგვპირდა, რომ დედაქალაქის ცენტრალური პარკი სწორედ ძველი იპოდრომის ტერიტორიაზე მოეწყობა. რატომ არ დაიწყო მშენებლობა აქამდე და  ხომ არ უკავშირდება პროექტის დაწყება წინასაარჩევნოდ თბილისელების გულის მოგებას  - ამ კითხვებზე კალაძე ისევ წინა ხელისუფლების ლანძღვით პასხუობს. 

ერთი შეხედვით, საქველმოქმედო პროექის უკან კიდევ უფრო მეტი კიხთვის ნიშანი ოფიციალური დოკუმენტების განხილვის შემდეგ ჩნდება. წლებია ბიძიან ივანიშვილის კოპანიას, რომელიც პანამაშია რეგისტირებული ძველი იპოდრომის ტერიტორია ეკუთვნის. 8 წელია ბიძინა ივანიშვილს აქ, ისე როგორც მიტოვებულ ლაგუნა ვერეზე, სადაც კედლები დაბზარულია, აუზში მცენარეებია გაზრდილი,  ინფრასტრუქტურა კი მწყობრიდანაა გამოსული -  არაფერი გაუკეთებია. ინვესტ კაპიტალისგან კი წლების შემდგე, იპოდრომის ტერიტორია ისევ თავად, ამჯერად ფონდი ქართუს სახელით 60 მილიონ ლარად იყიდა. დღეს კი ეს ტერიტორია თბილისელებს გადასაცა.  პოპულისტური ტყუილი და წინასაარჩევნოდ ფულის გათეთრების მცდელობა - ასე აფასებენ ოპოზიციაში ივანიშვილის მორიგ ტრიუკს. 

ბიძინა ივანიშვილმა კი დღის ბოლოს კიდევ ერთი მადლობა, ამჯერად ქართული ოცნების კანდიოდატისგან საბურთალოს ოლქში, დავით სერგეენკოსგან მიიღო. როგორც  ქართულინ ოცნების სხვა წევრები, ისე დავით სერგენკო, პროექტის დაწყებას არჩევნებს არ უკავშირებს.

სერგეენკოს კონკურენტები კი დარწმუნებულები არიან, რომ ბიძინა ივანიშვილის შენიღბული ქველმოქმედება რეალურად წინასაარჩევნოდ, ამომრჩევლების გულის მოგებაა და საბურთალოს ოლქში მმართველი პარტიის კანდიდატის დაბალი რეიტინგის ამაღლებას ემსახურება. 

ძველი იპოდრომის ტერიტორაზე პარკის მშენებლობის იდეით წლებია გამოდიან გარემოსდალცველები, მაგრამ არჩევნებამდე მათ არასდროს არავინ უსმენდა.

"ფონდი ქართუს" ანუ ბიძინა ივანიშვილის დაპირება -  თბილისს, ცენტრაულური პარკი იპოდრომის ტერიტორიაზე ჰქონდეს, სავარაუდოიდ, 3 წელში შესრულდება. მაგრამ მანამდე საარჩევნო ყუთთან მოსახლეობამ ქვეყნის ბედი უნდა გადაწყვიტოს და უპასუხს მთავარ კიხთვას - ექნება თუ არა შესაძლებლობა ოლიგარქს ქვეყნას კიდევ ერთხელ, მორიგი ტრიუკი ჩაუტაროს.