ხმაური თბილისის მერიასთან - პოლიციასთან დაპირისპირება აქტივისტების დაკავებას მოჰყვა
გამოქვეყნდა:
ხმაურით დასრულდა "ახალი საქართველოს" აქცია თბილისის მერიასთან - პოლიციამ განმარტებების გარეშე მოქალაქეების დაკავება დაიწყო, რასაც ვითარების უკიდურესად დაძაბვა მოჰყვა. სამართალდამცველებმა 4-ივე დაკავებული მოგვიანებით გაათავისუფლეს.
გვინდოდა განაცხადი შეგვეტანა ამასთან დაკავშირებით და ხედავთ, რამხელა პანიკა მოაყოლეს. იმიტომ, რომ აგონიაში არიან და, როგორც ჩანს, პირდაპირი დავალება მიიღეს საბანკო სექტორიდან, რომ დაეცვათ ბანკების ინტერესები. რატომ? იმიტომ, რომ, ჩემი ინფორმაციით, ნახევარი 36%-დან მისდის კალაძეს და ირიცხება "დასხვრეული ოცნებების პარტიის" ანგარიშზე - ყველაზე გაჭირვებული ხალხის პენსიის პროცენტის ნახევარი", - ამბობს პარტია "სტრატეგია აღმაშენებლის" ლიდერი, გიორგი ვაშაძე.
აქციაზე ოპოზიციური პარტია მათი აქტივისტებისთვის მუნიციპალური ინსპექციის მიერ გამოწერილი ჯარიმების გაუქმებას ითხოვდა, რამაც ჯამში უკვე 100 000 ლარს გადააჭარბა.
ავტორი: ნინო ღვედაშვილი.
