აშშ და ჩინეთი ერთმანეთის ტარიფების უმეტესობის შეჩერებაზე და 90-დღიან პაუზაზე შეთანხმდნენ. ამის შესახებ ინფორმაციას გამოცემა CNBC-ი ავრცელებს.
სავაჭრო შეთანხმება მოიაზრებს, რომ ორ ქვეყანას შორის "ურთიერთგადასახადები" 125%-დან 10%-მდე შემცირდება. ჩინურ იმპორტზე აშშ-ის 20%-იანი გადასახადი ფენტანილთან დაკავშირებით ძალაში დარჩება, რაც იმას ნიშნავს, რომ ჩინეთისთვის ტარიფების საერთო რაოდენობა 30%-ს შეადგენს.
"ჩვენ ძალიან პროდუქტიული მოლაპარაკებები გვქონდა და მე მჯერა, რომ ჟენევის ტბაზე გამართულმა შეხვედრამ ძალიან პოზიტიურ პროცესს დიდი სიმშვიდე შემატა.
ჩვენ მივაღწიეთ შეთანხმებას 90-დღიანი პაუზის შესახებ და მნიშვნელოვნად შევამცირეთ ტარიფების დონე. ორმხრივი ტარიფების ორივე მხარე ტარიფებს 115%-ით შეამცირებს," - განაცხადა ბესენტმა.
აშშ-ისა და ჩინეთის განცხადებით, ისინი ეკონომიკურ და სავაჭრო პოლიტიკაზე მოლაპარაკებებს გააგრძელებენ.
მანამდე, სკოტ ბესენტმა განაცხადა, რომ აშშ-მ და ჩინეთმა სავაჭრო ომის დეესკალაციის საკითხში "მნიშვნელოვან პროგრესს" მიაღწიეს.
