ზელენსკი-პუტინის შეხვედრა შესაძლებელია, თუ მომლაპარაკებლები „გარკვეულ შეთანხმებებს“ მიაღწევენ | პესკოვი
გამოქვეყნდა:
კრემლის პრესსპიკერი პესკოვი აცხადებს, რომ რუსეთისა და უკრაინის პრეზიდენტების შეხვედრა შესაძლებელია, ორი ქვეყნის მომლაპარაკებლების მიერ გარკვეული შეთანხმებების მიღწევის შემდეგ:
„ჩვენ ასეთ შეხვედრას შესაძლებლად მივიჩნევთ, როგორც ორივე მხარის დელეგაციების მუშაობის შედეგად, ამ დელეგაციების გარკვეული შეთანხმებების მიღწევის შემდეგ“, - ამბობს პესკოვი.
პესკოვმა ასევე განაცხადა, რომ რუსეთი ამზადებს ცეცხლის შეწყვეტის პირობების სიას და მას უკრაინას გადასცემს.
უკრაინისა და რუსეთის დელეგაციების შეხვედრა სტამბოლში გუშინ, 17 მაისს გაიმართა. მხარეები ტყვეების გაცვლაზე შეთანხმდნენ.
