მიტინგით, ან რაიმე სხვა ფორმით, გააპროტესტეთ ივერი მელაშვილის ტყვეობაში აყვანა - ნიკა გვარამია
გამოქვეყნდა:
"მთავარი არხის" გენერალური დირექტორი, ნიკა გვარამია ოპოზიციას და სამეცნიერო საზოგადოებას მიმართავს, რომ მათ გააპროტესტონ ივერი მელაშვილის დაკავების ფაქტი, რადგან, გვარამის აზრით, ეს არის ანტისახელმწიფოებრივი და შეკერილი, სამარცხვინო საქმე.
დღესვე ნიკა გვარამიამ კიდევ ერთი სტატუსი გამოქვეყნა, სადაც წერდა, რომ მეცნიერი აბსურდული და მოგონილი ბრალდებით დააკავა არაფორმალურმა მმართველმა და ამას ივანიშვილი აკეთებს, რათა გაუსწორდეს მიხეილ სააკაშვილის.
ცნობისთვის, პოლიტიკოსმა ელენე ხოშტარიამ აქცია დაანონსა 19:00-ზე პროკურატურასთან - "წესიერი ადამიანების დაჭერის გასაპროტესტებლად!", დაწერა ხოშტარიამ ფეისბუქზე.
პოლიტიკოსების გამოხმაურებები ივერი მელაშვილის დაკავებაზე შეგიძლიათ ნახოთ აქ.
შეგახსენებთ, გამოკითხვაზე მისული ივერი მელაშვილი, პროკურატურამ დღეს დააკავა. მასთან ერთად დააკავეს ნატალია ილიჩოვა. მელაშვილი კი, წლების განმავლობაში სადელიმიტაციო კომისიის ექსპერტების ჯგუფის ხელმძღვანელი იყო.
