თბილისის ინფექციური საავადმყოფოს ინფექციური პათოლოგიებისა და შიდსის ცენტრის ბოქსირებული განყოფილების უფროსის, მარინა ენდელაძის, თქმით, კორონავირუსით ინფიცირებულ პაციენტთა შორის 1 თვის ბავშვიცაა.
ენდელაძის ინფორმაციით, ბავშვის მდგომარეობა ამ ეტაპზე სტაბილურია.
შეგახსენებთ, რომ დღეს საქართველოში კორონავირუსის 1 186 ახალი შემთხვევა დადასტურდა, გამოჯანმრთელდა 278 ადამიანი, 7 კი გარდაიცვალა. ინფიცირებულებიდან ყველაზე მეტი - 469 ადამიანი ისევ თბილისიდანაა.
