საქართველოში ყველაზე ახალგაზრდა, 40 წლის კოვიდინფიცირებული დღეს გარდაიცვალა
გამოქვეყნდა:
ჩვენთან ერთად მოიპოვეთ თავისუფლება!
აჭარის ჯანდაცვის სამინისტროს ინფორმაციით, დღეს გარდაცვლილთაგან ყველაზე ახალგაზრდა 40 წლის ქალია. სამინისტროსვე ცნობით, პაციენტს ორმხრივი პნევმონია, სუნთქვის მწვავე უკმარისობა, თირკმლის ჭვალი ჰქონდა. ასევე თანმხლები დაავადებები - შაქრიანი დიაბეტი, თანდაყოლილი ცერებრული დამბლა.
ცნობისთვის, ეს ყველაზე ახალგაზრდა კორონავირუსით გარდაცვლილი პაციენტია საქართველოში.
დღეს კოვიდინფიცირებულ გარდაცვლილებს შორის არიან 82 წლის, 65-ისა და 62 წლის ქალები. ყველა მათგანს თანმხლები დაავადება ჰქონდა.
სულ ჯამში 15 გარდაცვლილიდან დღეის მონაცემებით, 4 ბათუმიდანაა, 7 თბილისშია გარდაცვლილი, 2 ქუთაისში, 1 გორში, 1 კი მცხეთაში.
ბოლო მონაცემებით საქართველოში:
- კორონავირუსით ინფიცირებულია - 19857
- გამოჯანმრთელებულია - 8666
- მათ შორის გარდაცვლილია - 158
- კარანტინის რეჟიმში რჩება - 6407
- კოვიდ სასტუმროში მყოფი პირები - 1420
- სტაციონარში მეთვალყურეობის ქვეშ - 836, მათ შორის საქართველოში სამკურნალოდ გადმოყვანილია - 41 პაციენტი.
რაც შეეხება მსოფლიოს, ბოლო მონაცემებით, ინფიცირებულთა საერთო რაოდენობამ 40 მილიონს გადააჭარბა, მათგან გამოჯანმრთელდა, თითქმის, 31 მილიონი ადამიანი და გარდაიცვალა 1 მილიონზე მეტი.
