შიდა ქართლის რეგიონში კორონავირუსით 84 წლის მამაკაცი გარდაიცვალა. ის ქარელის მუნიციპალიტეტში ცხოვრობდა და ვირუსის სიმპტომებით თბილისის ერთ-ერთ საავადმყოფოში 15 ოქტომბერს გადაიყვანეს, საიდანაც 4 დღეში გარდაიცვალა.
რეგიონში ინფექციის გავრცელების გამო უკვე დაიკეტა 7 საჯარო სკოლა და სწავლა დისტანციურ რეჟიმში მიმდინარეობს.
ბოლო 24 საათში შიდა ქართლში სულ 64 ახალი შემთხვევა გამოვლინდა. ნაწილის ინფიცირების წყარო უცნობია.
ე.წ. მეორე ტალღის შემდეგ კორონავირუსი რეგიონში მცხოვრებ 225 პირს დაუდასტურდა, აქედან 99 ბინაზე მკურნალობს. ამ დროისთვის თვითიზოლაციაში 916 ადამიანი იმყოფება.
ქვეყანაში კი ბოლო 24 საათში კორონავირუსის 1194 ახალი შემთხვევა დადასტურდა. გარდაცვლილია 15 ადამიანი.
პროტესტი თბილისის ქუჩებში | "მთავარის" საგანგებო ეთერი
უყურეთ ბოლო გამოშვებას
