ცესკო-მ თვითიზოლაციაში მყოფი პირებისთვის რეგისტრაციის ვადა 6 საათამდე გადაწია
გამოქვეყნდა:
ცენტრალურმა საარჩევნო კომისიამ თვითიზოლაციაში მყოფი პირებისთვის რეგისტრაციის ვადა 27 ოქტომბრის 18:00-მდე გადაწია.
"ვინაიდან ფიქსირდება თვითიზოლაციაში მყოფი ამომრჩევლების მაღალი აქტივობა, ცესკოს სატელეფონო-საინფორმაციო ცენტრი ზარებს, გადასატანი ყუთის მოთხოვნით, მიიღებს 27 ოქტომბრის 18:00 სთ-მდე. დარეკეთ ტელეფონის ნომერზე 2 51 00 51 (0)" - წერია უწყების განცხადებაში.
შეგახსენებთ, რომ ცესკოს სატელეფონო-საინფორმაციო ცენტრისთვის მომართვისა და ოფიციალური მოთხოვნის დაფიქსირების შემთხვევაში, გადასატანი საარჩევნო ყუთით სარგებლობას შეძლებენ თვითიზოლაციაში მყოფი ის ამომრჩევლები, რომელთა მონაცემებიც ოფიციალურად ფიქსირდება შესაბამისი უწყების მონაცემთა ბაზაში.
შესაბამისი მოთხოვნით ცესკოს ოპოზიციამ მიმართა.
