ილია მეორეს ხმის მისაცემად გადასატან ყუთს საპატრიარქოში მიუტანენ
გამოქვეყნდა:
საპატრიარქოს საზოგადოებასთან ურთიერთობის სამსახურის ხელმძღვანელს, ანდრია ჯაღმაიძის განცხადებით, ხვალ 31 ოქტომბერს საქართველოს პატრიარქი, ილია მეორე ხმას გადასატანი ყუთით მისცემს.
"საქართველოს კათოლიკოს-პატრიარქი ხვალ არჩევნებში მონაწილეობას მიიღებს. საარჩევნო ყუთს საპატრიარქოში მოიტანენ. კადრებს გაავრცელებს ტელევიზია "ერთსულოვნება" - წერს ანდრია ჯაღმაიძე.
ცნობისთვის, პატრიარქი წლების განმავლობაში ხმას საარჩევნო უბანზე მარკირების გავლის გარეშე აძლევდა.
აქვე შეგახსენებთ, რომ საარჩევნო სისტემის ცვლილების შემდეგ, 31 ოქტომბერს არჩევნები 120/30 -ზე სისტემით ჩატარდება, რაც იმას ნიშნავს, რომ იქნება 30 მაჟორიტარული წესით (22 რეგიონებში, 8 - თბილისში) და 120 პროპორციული სიით არჩეული დეპუტატი.
