12:00 საათისთვის საარჩევნო უბნებზე 100-მდე დარღვევა დაფიქსირდა - ეკა გიგაური
გამოქვეყნდა:
"საერთაშორისო გამჭვირვალობა - საქართველოს” დაკვირვებით, 12:00 საათისთვის საარჩევნო უბნებზე 100-მდე წვრილი და შედარებით სერიოზული დარღვევა დაფიქსირდა. ორგანიაციის დამკვირვებლებმა 15 საჩივარი დაწერეს.
როგორც ორგანიზაციის აღმასრულებელი დირექტორი, ეკა გიგაური, ამბობს, წინა არჩევნებთან შედარებით, წელს დარღვევების რაოდენობა გაცილებით მეტია.
„საერთაშორისო გამჭვირვალობა-საქართველოს” დაკვირვებით, ხშირ დარღვევებს შორისაა:
- დამკვირვებლების გამოძევება
- კენჭისყრის ფარულობის დარღვევა (გახსნილი ბიულეტინები და კამერები კაბინასთან ახლოს)
- წილისყრის პროცედურის დარღვევა
- მოსული ამომრჩევლის აღრიცხვა კენჭისყრის შენობაში
- საარჩევნო უბნების დაგვიანებით გახსნა
- არაუფლებამოსილი პირების უბანზე ან უბნის სიახლოვეს ყოფნა
- კოვიდუსაფრთხოების ნორმების დარღვევა
- საჩივრის ჩაბარებესთან დაკავშირებული პრობლემები
- მარკირების გარეშე ხმის მიცემა
- აგიტაცია საარჩევნო უბანზე
„საერთაშორისო გამჭვირვალობა – საქართველოს“ 2020 წლის 31 ოქტომბრის არჩევნებისთვის 600-მდე ადგილობრივი დამკვირვებელი ჰყავს მობილიზებული.
არჩევნები ფოტოებში შეგიძლიათ ნახოთ აქ.
