საბურთალოს ოლქში მეორე ტურში დავით სერგეენკო და ალეკო ელისაშვილი გავიდნენ - ცესკო
გამოქვეყნდა:
საბურთალოს მაჟორიტარულ ოლქში ცესკომ უკვე ხმების 100% დათვალა, მონაცემების მიხედვით, ოლქში მეორე ტური გაიმართება, სადაც მონაწილეობას "ქართული ოცნებიდან" დავით სერგეენკო და პარტია "მოქალაქეების" ლიდერი, ალეკო ელისაშვილი მიიღებენ.
ხმები შემდეგნაირად ნაწილდება:
- "ქართული ოცნება" - 43, 23%;
- "მოქალაქეები" - 19,16%;
- "ლელო" - 13,78%
საბურთალოზე სულ 97 უბანია.
ცესკოს საბოლოო მონაცემები საპარლამენტო არჩევნების შესახებ შეგიძლიათ ნახოთ აქ. ამ მონაცემების მიხედვით, პირველ ადგილზე მმართველი პარტია - "ქართული ოცნება" გავიდა, მეორე "ერთიანი ნაციონალური მოძრაობა", მესამეზე კი - "ევროპული საქართველო".
აქვე შეგახსენებთ, რომ "სამართლიანი არჩევნების" ხმების პარალელური დათვლის შედეგების მიხედვით, ქართულმა ოცნებამ ხმების 45.8% აიღო, "ნაციონალურმა მოძრაობამ" 26.4%, "ევროპულმა საქართველომ" კი 3.7%.
