საბურთალოზე, 52-ე უბანში, ოპოზიციას არ უშვებენ, კომისიის სხვა წევრები კი, ოქმების გადასაკეთებლად, უკანა კარიდან შეჰყავთ
გამოქვეყნდა:
"მთავარის" ინფორმაციით, საბურთალოზე, 52-ე უბნის კომისიის ის წევრები, რომლებიც ხელისუფლებაზე მუშაობენ, შენობაში უკანა კარიდან შეჰყავთ და არ უშვებენ ოპოზიციონერებს. ეს ინფორმაცია "მთავარს" მაყურებელმა მიაწოდა.
აღასანიშნავია, რომ საჩივრების განხილვა დღეს 20:00 საათზე დაიხურა, თუმცა, ოპოზიცია აპროტესტებს, რომ განხილვაზე, ფაქტობრივად, ისინი არსად არ დაუშვეს.
სამგორის მაჟორიტარობის კანდიდატი ლევან ხაბეიშვილი თავის ამომრჩეველთან ერთად იმყოფება და ხალხს 8 ნოემბრის აქციაზე მისვლისკენ მოუწოდებს. მისი თქმით, ამის საფუძველს თუნდაც ის ერთი კონკრეტული ფაქტი აძლიერებს რომ სამგორის 87-ე უბანში ბიულეტენები ნაგავში გადაყრილი აღმოაჩინეს.
ამ დროისთვის თბილისის რამდენიმე უბანში, საუბნო და საოლქო კომისიების შენობებთან დაპირისპირება გრძელდება, რაც იმითაა გამოწვეული, რომ ოპოზიციის წარმომადგენლებს საჩივრების განხილვაზე არ უშვებენ.
