რუსთაველზე ხმამაღლა ნათქვამი ყველა სიტყვა შუშის სასახლეში შეაღწევს - რატომ უნდა წავიდეთ აქციაზე
გამოქვეყნდა:
რატომ უნდა წავიდეთ ხვალ, 8 ნოემბერს გაერთიანებული ოპოზიციის აქციაზე?
- იმიტომ, რომ საქართველო იყოს დემოკრატიული და განვითარებული სახელმწიფო;
- იმიტომ რომ ჩვენს შვილებს პროგრესული და ევროპული სამშობლო ჰქონდეთ;
- იმიტომ რომ ჩვენი ქვეყანა ერთი კაცის ბოსტნად და ორღობედ არ გადაიქცეს;
- იმიტომ რომ საქართველოს რუსიფიკაცია არ მოხდეს;
- იმიტომ რომ გვქონდეს არჩევანის უფლება, საკუთარი აზრის გამოხატვის უფლება;
- იმიტომ რომ ვიღაცის პარკის ცხოვრელები არ გავხდეთ;
- იმიტომ რომ თავისუფლები ვიყოთ;
- იმიტომ რომ ამ ყველაფრისთვის დიდი ხანია ვიბრძვით და ახლა სხვა გზა აღარ დაგვიტოვეს.
ისტორიულ გამზირზე ხმამაღლა ნათქვამი ყველა სიტყვა შუშის სასახლეში აუცილებლად შეაღწევს და ის კაცი, რომელიც უკვე 8 წელია უფსკრულისკენ, მიგვაქანებს, აუცილებლად გაიგებს, რომ საქართველოს არც ერთი მოქალაქე დანებებას არ აპირებს. რომ ყველა საკუთარი თავისუფლებისთვის ბოლომდე იბრძოლებს, რომ ყველა დაიცავს საკუთარ ხმას. ხმას,რომელიც ყველაზე ძვირფასს, ღირსებას ნიშნავს.
ბევრი ითმინა ქართველმა ხალხმა, მაგრამ როდესაც მოთმინების ფიალა ივსება კონსტიტუციით მონიჭებული, ხმის უფლებით სარგებლობ და ასე ითხოვ ცვლილებებს - როდესაც ამას გართმევენ, გაჯერებენ, რომ 2X2 41- ია და სხვა გზას არ გიტოვებენ, გრჩება ერთადერთი - პროტესტი. მშვიდობიანი პროტესტი.
