დაავადებათა კონტროლის ეროვნული ცენტრის დირექოტირი, ამირან გამყრელიძე თვითიზოლაციაში გადავიდა. ამის შესახებ ინფორმაციას პრესსამსახურში ადასტურებენ.
გამყრელიძეს კონტაქტი ინფიცირებულებთან ჰქონდა და ის თვითიზოლაციაში დღეიდან, 17 ნოემბრიდან იქნება.
შეგახსენებთ, რომ დღეს კორონავირუსი დაუდასტურდა ინფექციური საავადმყოფოს დირექტორს და კორონავირისის მართვის კლინიკური ჯგუფის ხელმძღვანელს, თენგიზ ცერცვაძეს. ის მკურნალობას სახლში აგრძელებს.
ბოლო 24 საათში საქართველოში კორონავირუსით ინფიცირების 3 117 ახალი შემთხვევა დადასტურდა, 3 638 ადამიანი გამოჯანმრთელდა, ხოლო 45 პაციენტი გარდაიცვალა.
შეგახსენებთ, რომ კორონავირუსის პირველი დადასტურებული შემთხვევა საქართველოში 26 თებერვალს გამოვლინდა.
ბოლო მონაცემებით, მსოფლიოში ინფიცირებულთა საერთო რაოდენობამ 55 მილიონს გადააჭარბა მათგან გამოჯანმრთელდა 38 მილიონი ადამიანი და გარდაიცვალა 1,3 მილიონზე მეტი.
