"სოლიდარობა ნიკა გვარამიას" - ქუთაისის ცენტრალურ მოედანზე ტრანსფარენტები გამოჩნდა
გამოქვეყნდა:
"სოლიდარობა ნიკა გვარამიას", "შეწყდეს ქვეყანაში პოლიტიკური რეპრესიები", "საქართველოში ამერიკის ელჩმა კეთილსინდისიერად შეასრულოს მისი მისია", - ამ ტრანსფარენტებით ქუთაისის ცენტრალურ მოედანზე ერთკაციანი საპროტესტო აქცია მიმდინარეობს.
კახა ნემსიწვერიძის თქმით, ქვეყნის მდგომარეობა გაუსაძლისია, ხელისუფლების ცვლილება კი - აუცილებელი.
"სრული განუკითხაობა და ქაოსია. ქვეყანაში ყველა ინსტიტუცია მოშლილია. უფსკრულის წინაშე ვართ. დროა ხელისუფლება შეცვალოს", - ამბობს აქციის მონაწილე, კახა ნემსიწვერიძე.
შეგახსენებთ, რომ ნიკა გვარამიამ რამდენიმე დღის წინ სტატუსი გამოაქვეყნა. როგორც ამბობს, შემოუთვალეს, რომ ახალ წლამდე მისი სასამართლო პროცესი განახლდება და ქონებას ჩამოართმევენ.
