ლევან ვარშალომიძემ ნიკა მელიას გამარჯვება უკვე მიულოცა:
ნიკა მელიას გამარჯვებას ვულოცავ!
ჩვენი პარტიის წევრებსა და მხარდამჭერებს არჩევნებში მონაწილეობისათვის მადლობა მინდა გადავუხადო!
ახლა მომავალი გამარჯვებების დროა, ამიტომ ყველამ ერთად უნდა შევძლოთ ჩვენი ქვეყნის გადარჩენა და განვითარება -წერს ვარშალომიძე ფეისბუქზე.
ენმ-ს თავმჯდომარეობის კანდიდატი ცოტა ხნის წინ გამოვლინდა, მას შემდეგ, რაც ფეისბუქზე ხმის მიცემა შეწყდა.
ნიკა მელიამ ხმების 64.9%, ხოლო ლევან ვარშალომიძემ 35.1% მიიღო.
ნიკა მელიას უკვე ოფიციალურად პარტიის თავმჯდომარეს კვირას, ნაციონალური მოძრაობს პარტიის ყრილობაზე აირჩევენ.
შეგახსენებთ, რომ ახალი თავმჯდომარის არჩევის აუცილებლობა მას შემდეგ დადგა, რაც გრიგოლ ვაშაძემ 15 დეკემბერს პარტია დატოვა. ენმ-ს პოლიტსაბჭომ 2 კანდიდატი - ლევან ვარშალომიძე და ნიკა მელია წარადგინა.
