კანონის უზენასეობა სადაც არაა, ნაკლებად იდება ინვესტიცია - ოპოზიცია აშშ-ის დოკუმენტზე დაფინანსების შესახებ

დოკუმენტი, რომლის მიხედვითაც, საქართველოს მას შემდეგ გამოეყოფა აშშ-ის დახმარება, რაც სახელმწიფო მდივანი კანონის უზენაესობაზე ანგარიშს წარადგენს, ოპოზიციის შეფასებით, ადასტურებს, რომ შტატებში კარგად იციან აქაური პოლიტიკური ვითარებას.

• "დემოკრატიული, თავისუფალი სამყარო, ბუნებრივია, ყველაფერს გააკეთებს, რომ საქართველოში შეზღუდოს ოლიგარქი. ყველაფერი იციან ჩვენმა სტრატეგიულმა პარტნიორებმა, ამის გამოძახილია გადაწყვეტილება", - ამბობს "ენმ"-ის თავმჯდომარე, ნიკა მელია.
• "ოცნება" უზარმაზარ დარტყმას აყენებს ქვეყანას და საფრთხის ქვეშაა უმნიშნელოვანესი დახმარების მიღების საკითხი", - ამბობს "ლელოს" წევრი, ბადრი ჯაფარიძე.
• "აშშ-ის ყველა განცხადებაში და პომპეოს ვიზიტის დროსაც ხაზი გაესვა დამოუკიდებლობის აუცილებლობას. კანონის უზენასეობა სადაც არაა, იქ ნაკლებად იდება ინვესტიცია; არის სიღარიბე და ჭაობი, როგორც აქ", - ამბობს ზურა ჯაფარიძე, პარტიიდან "გირჩი - მეტი თავისუფლება".

შეგახსენებთ, რომ აშშ-ის კონგრესმა დაამტკიცა დოკუმენტი, რომლის თანახმადაც, საქართველოს მას შემდეგ გამოეყოფა 132 მილიონ დოლარზე მეტი დახმარება, რაც სახელმწიფო მდივანი წარადგენს ანგარიშს საქართველოში კანონის უზენაესობის და ანგარიშვალდებული ინსტიტუტების მდგომარეობის შესახებ. 

დოკუმენტის შესახებ ჯერ კიდევ ნოემბერში საგარეო საქმეთა მინისტრი საუბრობდა, თუმცა 27 დეკემბერს უკევ პრეზიდენტმა ტრამპა მოაწერა ხელი.