"ქართული ოცნების" წევრები არ იზიარებენ დიმიტრი ხუნდაძის ინიციატივას, ოჯახში მოძალადეების ციხიდან გათავისუფლებასთან დაკავშირებით.
ხუნდაძე ამბობს, რომ ამნისტია მათაც უნდა შეეხოთ, რადგან ხუნდაძის აზრით, ოჯახური ძალადობა ემოციურ ფონზე ხდება. გარდა ამისა დეპუტატი, მოძალადე კაცებს ოჯახის უფროსებს უწოდებს.
ერთპარტიულმა პარლამენტმა „ამნისტიის შესახებ“ კანონპროექტი პირველი მოსმენით დღეს მიიღო. კანონპროექტი ამ ეტაპზე 44 მუხლს ეხება, თუმცა უმრავლესობაში ამბობენ, რომ მიდის მსჯელობა კიდევ 15-20 მუხლის დამატებაზე.
