დღეს აშშ-ის კონგრესის შენობაში, კაპიტოლიუმში, ჯო ბაიდენი ამერიკის პრეზიდენტად ოფიციალურად უნდა დაემტკიცებინათ. სხდომის პარალელურად შენობის გარეთ ტრამპის მხარდამჭერებმა აქცია მოაწყვეს - მოგვიანებით ისინი პოლიციასაც დაუპირისპირდნენ, საბოლოოდ კი კაპიტოლიუმში შეიჭრნენ.
პოლიციამ შეკრებილების წინააღმდეგ ცრემლსადენი აირიც გამოიყენა - დაშავდა რამდენიმე ადამიანი.
დონალდ ტრამპმა კი ცოტა ხნის წინ დატვიტა, რომ ამერიკელებმა მხარი უნდა დაუჭირონ კაპიტოლიუმის პოლიციას.
"გთხოვთ, გვერდით დაუდგეთ კაპიტოლიუმის პოლიციას. ისინი ნამდვილად ჩვენი ქვეყნის მხარეს არიან. მშვიდად იყავით!", - წერს ის.
