ეს არის ჩემი მთავრობის მეორე გამარჯვება - მიხეილ სააკაშვილი სტრასბურგის გადაწყვეტილებაზე

საქართველოს მესამე პრეზიდენტის, მიხეილ სააკაშვილის განცხადებით, სტრასბურგის სასამართლოში რუსეთ-საქართველოს დავა, 2008 წლის ომზე, რომელიც საქართველოს გამარჯვებით დასრულდა მისი მთავრობის მეორე გამარჯვებაა. ამ თემაზე მან გადაცემა "დღის სტუმარში" ისაუბრა.

"ეს არის გამარჯვება საქართველოსთვის, ისტორიული სიმართლის დადგენისთვის, რომ საქართველო იყო მართალი და არის ცამდე მართალი და არის აგრესიის მსხვერპლი. მიუხედავად ივანიშვილის მთელი მცდელობებისა და მისი პატრონების მოსკოვიდან, რომ საქართველო გამოეყვანათ ომის დამწყებად, ოკუპანდატ, დამნაშავედ, ეს ჩაუფლავდათ. ეს არის პირველ რიგში დამსახურება თინა ბურჯალიანის, ნიკა გვარამიასი, რომელიც მაშინ იყო ამ პროცესების ინიციატორი, გია ქავთარაძის, ზურაბ ადეიშვილის და ეს არის მეორე გამარჯვება ჩემი მთავრობის, ჩემი მთავრობის წასვლის შემდეგ", - თქვა მიხეილ სააკაშვილმა. 

მისი თქმით, პირველი გამარჯვება მათ შუალედური ჰააგის სასამართლოში მოიპოვეს, რომელიც შემდეგ წულუკიანის მცდელობით მეორე ეტაპზე დაკარგეს.

ცოტა ხნის წინ ცნობილი, რომ სტრასბურგის საერთაშორისო სასამართლოს დიდი პალატის გადაწყვეტილებით, 2008 წლის რუსეთ-საქართველოს ომის შემდეგ შეტანილი სარჩელის განხილვისას, საქართველოს მოთხოვნა დააკმაყოფილა და სამართლებრივ დავაში გამარჯვებულად გამოაცხადა. 

გამოხმაურებები ამ თემაზე: 

• ეს საერთო გამარჯვებაა! - გიორგი გახარია სტრასბურგის გადაწყვეტილებაზე;
• გვაღიარეს ომის მსხვერპლად, ეს ძალიან დიდი მიღწევაა ქვეყნისთვის - ზურაბიშვილი;
• სასამართლომ დაადგინა, რომ რუსეთმა განახორციელა ქართველების ეთნიკური წმენდა- ლორთქიფანიძე;

• რუსეთს მოუწევს პასუხისმგებლობის აღება უკანონო ქმედებებზე - ვაშაძე სტრასბურგზე.

სასამართლოს გადაწყვეტილებით, რუსეთმა დაარღვია შემდეგი უფლებები:

• წამების აკრძალვა - კონვენციის მე-3 მუხლი; 
• თავისუფლებისა და უსაფრთხოების უფლება - კონვენციის მე-5 მუხლი;
• მიმოსვლის თავისუფლება - კონვენციის, მე-4 დამატებითი ოქმის მე-2 მუხლი;
• პირადი და ოჯახური ცოხვრების დაცულობის უფლება - მე-8 მუხლი;
• საკუთრების უფლება - პირველი დამატებითი ოქმის პირველი ოქმი;
• ეფექტური სამართლებრივი დაცვის უფლება;
• ანათლების უფლებას და გადაადგილების თავისუფლება.