"ხელი მოაწერა "ქოცობას" - ოპოზიციის შეფასებები ელისაშვილისა და იოსელიანის პარლამენტში შესვლაზე

ოპოზიცია ალეკო ელისშვილისა და ლევან იოსელიანის პარლამენტში შესვლის შემდეგ ამბობს, რომ პოლიტიკური ვაჭრობა დასრულებულია.

ხელისუფლების ოპონენტები ფიქრობენ, რომ მთავარი ოპოზიციური პარტიები ერთობას ინარჩუნებენ.

"რეალურად, მემორანდუმი არაფრის მომცემია, ვინ უნდა აღასრულოს... ბუნებრივია, "ოცნება" ცდილობს პოლიტიკურ ოპოზიციას შორის დისონანსი შეიტანოს, მაგრამ ყველამ ვიცით, რომ მთავარი ოპოზიციური პარტიები არიან საოცარ ერთობაში", - ამბობს "ენმ"-ის წევრი, ლევან ბეჟაშვილი.
"მემორანდუმზე ხელმოწერით ალეკო ელისაშვილმა ხელი მოაწერა "ქოცობას" და ის არის "ქართული ოცნების" ჩვეულებრივი წევრი და "ოცნების" სიით გაცულ ქოცებზე მეტად ქოცი", - ამბობს "ევროპული საქართველოს" წევრი, ხატუნა გოგორიშვილი.