თელავისა და გურჯაანის მუნიციპალიტეტის ორ სკოლაში კორონავირუსი დადასტურდა
გამოქვეყნდა:
თელავისა და გურჯაანის მუნიციპალიტეტის ორ სკოლაში კორონავირუსი დაფიქსირდა. თელავში COVID-19 მოსწავლეებს, გურჯაანში კი სკოლის თანამშრომლებს დაუდასტურდათ.
მოსწავლეებიდან ერთი, ალავერდის ეპარქიას დაქვემდებარებულ სასწავლო დაწესებულებაში გამოვლინდა.
ეპიდემიოლოგების რეკომენდაციით, კლასები, რომლებშიც მოსწავლეები სწავლობენ, ორ კვირიან იზოლაციაში გადაიყვანეს და ისინი სასწავლო პროგრამას ონლაინ-რეჟიმში გაივლიან.
გურჯაანის მუნიციპალიტეტის სოფელში კი, სკოლა ორკვირიან დისტანციური სწავლების რეჟიმზე გადავიდა.
სპეციალისტების თქმით, ამ ეტაპზე სკოლების დაკეტვის აუცილებლობა არ დგას. სასწავლო პროცესი კახეთის საჯარო სკოლებში, 1 თებერვალს განახლდა.
აქვე გეტყვით, რომ ბოლო 24 საათში საქართველოში კორონავირუსით ინფიცირების 688 ახალი შემთხვევა დადასტურდა, დამატებით 788 პირი გამოჯანმრთელდა, ხოლო 13 პაციენტი გარდაიცვალა.
- შემთხვევების რეგიონალური განაწილება სრულად ნახეთ აქ.
ავტორი: ია გულიაშვილი.
