ჩხოროწყუში, აქციის მონაწილეები ამ დრომდე უშედეგოდ ცდილობენ მერიაში შესვლას - შენობასთან პოლიციის მობილიზაციაა
გამოქვეყნდა:
ჩხოროწყუში მიმდინარე აქციის მონაწილეებმა, რომლებიც მერიასთან არიან შეკრებილი, ადგილობრივ ხელისუფლებას ულტიმატუმი წაუყენეს - ჯერ ვადა 30 წუთით განუსაზღვრეს, შემდეგ კი ეს ვადა გაზარდეს, თუმცა, ხელისუფლების პასუხი უკვე წინასწარ არის ცნობილი - ჩხოროწყუში სპეცრაზმის მობილიზება დაიწყო.
აქციის მონაწილეებს მერიის შენობა ალყაში აქვთ მოქცეული, ადგილზე მობილიზებულია პოლიციელთა უპრეცენდენტოდ დიდი რაოდენობა.
აქციის მონაწილეები ჩხოროწყუს მეორე სკოლასთან დაკავშირებული სკანდალის მონაწილე პირების დასჯას, ასევე ჩხოროწყუს მერის გადადგომას ითხოვენ.
თავდაპირველად აქციის მონაწილეებმა მერიის შენობაში შესვლა სცადეს, მაგრამ პოლიციამ ამის საშუალება არ მისცა.
ჩხოროწყუს მერიის შენობისა და საპირფარეშოების დალაგებაში სკოლის მოსწავლეების იძულებით ჩართვას მწვავე პროტესტი მოყვა, თუმცა არც საპირფარეშოების დალაგება - დახეხვის აქციის მთავარი ორგანიზატორი და ბავშვების პედაგოგი უხერხულობას არ გრძნობენ.
ქალი, რომელმაც მოსწავლეებს მერიის საპირფარეშო დაასუფთავებინა, ამბობს, რომ ისევ იმავეს გააკეთებდა
ბავშვები ამბობენ ვიჭყუმპალავეთ, ვიხალისეთო – პედაგოგი ტუალეტის დალაგების იძულებაზე
"არ უხეხიათ ტუალეტები" - ბოქლომი ჩხოროწყუს სკოლის კარზე და მშობლების მობილიზაცია
