ჩვენი მთავარი აქცენტი უსაგნო პოლიტიკურ კინკლაობაზე არ უნდა იყოს მიმართული - ღარიბაშვილი
გამოქვეყნდა:
პრემიერმინისტრის, ირაკლი ღარიბაშვილის განცხადებით, ერთიანი ძალისხმევა მოსახლეობის პრობლემების გადაჭრისკენ უნდა იყოს მიმართული და არა უსაგნო, უშინაარსო პოლიტიკურ კინკლაობაზე. ამ თემაზე მან მთავრობის სხდომაზე ისუაბრა.
"ოკუპაციის შემდეგ რიგით მეორე ალბათ, გამოწვევა და მთავარი პრობლემა ჩვენი მოსახლეობის არის ეკონომიკა, სიდუხჭირე, უმუშევრობა, სიღარიბე და სწორედ ჩვენი მთავარი, ერთიანი ძალისხმევა უნდა მივმართოთ ამ მიმართულებით. რა თქმა უნდა, ჩვენ მოსახლეობას წლების განმავლობაში დაგროვილი, ძალიან ბევრი პრობლემა აწუხებს, ეს არის ყველა მიმართულებით არსებული გამოწვევბი და სწორედ ჩვენი ერთიანი ძალისხმევით, რა თქმა უნდა, ძალიან სწრაფად შემდგომი წლების განმავლობაში ამ პრობლემების გადაჭრაზე უნდა იყოს მიმართული ჩვენი მთავარი აქცენტი და არა უსაგნო, უშინაარსო პოლიტიკურ კინკლაობაზე და ასე ვთქვათ, ურთიერთდაპირისპირებაზე", - თქვა ირაკლი ღარიბაშვილმა.
პრემიერმა მთავრობის სხდომა უმეტესად ეკონომიკურ საკითხებზე საუბარს დაუთმო. მიუხედავად იმისა, რომ ოპოზიცია ამ დრომდე ელოდება როდის გადადგამს ხელისუფლება კონკრეტულ ნაბიჯს და დაიწყებს დიალოგს ევროპული საბჭოს პრეზიდენტის მიერ დატოვებულ 6-პუნქტიან ჩარჩო შეთანხმებაზე.
