"ევროპის წამლის სააგენტო" (EMA) AstraZeneca-ს ვაქცინასთან დაკავშირებით წინასწარი მოკვლევის შედეგებს აქვეყნებს.
გავრცელებულ განცხადებაში ნათქვამია, რომ:
- ვაქცინის სარგებელი კორონავირუსის ფართოდ გავრცელებულ საფრთხესთან ბრძოლაში კვლავ აჭარბებს გვერდითი ეფექტების რისკს.
- ვაქცინა არ არის დაკავშირებული ვაქცინირებულ პაციენტებში სისხლის კოლტების საერთო რისკების (თრომბოემბოლური მოვლენების) ზრდასთან.
- არ არსებობს ვაქცინის კონკრეტულ პარტიასთან ან მწარმოებელ ქარხანასთან დაკავშირებით პრობლემის მტკიცებულება.
- ამის მიუხედავად, ვაქცინა შეიძლება დაკავშირებული იყოს თრომბოციტოპენიასთან ასოცირებულ თრომბების წარმოქმნის ძალიან იშვიათ შემთხვევებთან, ანუ თრომბოციტების დაბალ დონესთან.
"ეს იშვიათი შემთხვევებია - დიდ ბრიტანეთსა და ევროპულ ეკონომიკურ ზონაში 16 მარტის მდგომარეობით, დაახლოებით 20 მილიონი ადამიანი აიცრა და EMA-ს მიერ გაანალიზდა სისხლძარღვებში თრომბების წარმოქმნის მხოლოდ 7 და ცერებრალური ვენური სინუსის თრომბოზის (CVST) 18 შემთხვევა. ვაქცინასთან მიზეზშედეგობრივი კავშირი დადასტურებული არ არის, მაგრამ შესაძლებელია და შემდგომ ანალიზს იმსახურებს“, - აღნიშნულია "ევროპის წამლის სააგენტოს" განცხადებაში.
სააგენტოს აღმასრულებელი დირექტორის, ემერ ქუქის თქმით კი, "ეს არის უსაფრთხო და ეფექტური ვაქცინა. მისი სარგებელი კორონავირუსის წინააღმდეგ ადამიანების დაცვის მხრივ აჭარბებს შესალო რისკებს".
ამავე თემაზე:
