პოლიციამ 2 ავტომატი, 1 000-მდე ვაზნა და 3 მჭიდი ამოიღო - დაკავებულია 1 პირი
გამოქვეყნდა:
შინაგან საქმეთა სამინისტროს განცხადებით, უკანონო იარაღი და საბრძოლო მასალა ამოიღეს, საქმეზე კი 1973 წელს დაბადებული ო.რ. დააკავეს.
"სამართალდამცველებმა ო.რ. თბილისი-სენაკი-ლესელიძის საავტომობილო გზის მონაკვეთზე იმ დროს დააკავეს, როცა მას საკუთარი ავტომანქანით უკანონო იარაღი გადაჰქონდა. პოლიციამ, ბრალდებულის ავტომანქანის ჩხრეკისას, 2 ავტომატური ცეცხლსასროლი იარაღი, 3 მჭიდი და ავტომატური ცეცხლსასროლი იარაღისთვის განკუთვნილი 1 000-მდე საბრძოლო ვაზნა ნივთმტკიცებად ამოიღო", - წერია უწყების განცხადებაში.
ცეცხლსასროლი იარაღის და საბრძოლო მასალის მართლსაწინააღმდეგო შეძენა-შენახვისა და გადაზიდვის ფაქტზე გამოძიება საქართველოს სისხლის სამართლის კოდექსის 236-ე მუხლის მე-3 და მე-5 ნაწილებით მიმდინარეობს.
დანაშაული 6-დან 9 წლამდე ვადით თავისუფლების აღკვეთას ითვალისწინებს.
