შინაგან საქმეთა სამინისტრო ტელეკომპანია "ფორმულას" თანამშრომლის ავტომობილის დაზიანებისა და მეორე თანამშრომელზე ფიზიკური ძალადობის ფაქტზე განცხადებას ავრცელებს.
უწყების ცნობით, ავტომობილის დაზიანების თაობაზე საგამოძიებო მოქმედებები, ინფორმაციის მიღებისთანავე დაიწყეს. გამოკითხულია დაზარალებულიც. საქმეზე გამოძიება სისხლის სამართლის კოდექსის 187-ე მუხლით მიმდინარეობს.
რაც შეეხება ტელეკომპანიის მეორე თანამშრომლის ცემის ფაქტს. უწყებაში აცხადებენ, რომ ამის შესახებ შეტყობინება არ შესულა და სამართლებრივ რეაგირებას ინფორმაციის მიღებისთანავე მოახდენენ.
ამავე თემაზე:
- ღამის 3 საათი იყო, მანქანას მთლიანად ჩაულეწეს შუშები - "ფორმულას" თანამშრომელი
- თავდასხმა უკავშირდება იმ რიტორიკას, რომელიც აქვთ მმართველი გუნდის წარმომადგენლებს - განცხადება "ფორმულაში"
