ხელჩართული დაპირისპირება სალხინოს ეკლესიის ეზოში - ხმაური და უკმაყოფილება რუსეთში მოღვაწე ბიზნესმენის, კლიმენტი კეკუტიას გამოჩენას მოჰყვა.
ადგილზე მივიდა ჭყონდიდის მიტროპოლიტი, მეუფე სტეფანე, რომელიც ბზობის დღესასწაულთან დაკავშირებით, სალხინოს ტაძარში გეგმავს წირვის ჩატარებას. თავდაპირველად მრევლის ნაწილი მას ტაძარში შესვლის საშუალებას არ აძლევდა, თუმცა მიტროპოლიტმა ეკლესიამდე მისვლა მოახერხა და ამ დროისათვის ტაძარში უკვე წირვა მიმდინარეობს.
ადგილზე მობილიზებულია პოლიცია.
არსებული ინფორმაციით, დაზაიანებები მიიღო მამა ანანია კალანდიამ.
რაც შეეხება ბიზნესმენ კეკუტიას- ბოლო დღეებში ის აქტიურად ჩნდება ეპარქიაში, რაც ისედაც დაძაბულ სიტუაციას კიდევ უფრო ართულებს.
მეუფე დანიელი, რომელიც მიტროპოლიტმა სტეფანემ ტაძრის წინამძღვრობიდან გადააყენა, ამბობს, რომ კეკუტიას იმ ტერიტორიაზე, სადაც სალხინოს ტაძარია, ბიზნესინტერესები აქვს. მისივე თქმით, მეუფე სტეფანეს დასახვედრად დღეს ტაძარიც მოამზადეს და ერთადერთი თხოვნა რაც მასთან ჰქონდათ იყო ის, რომ იქ კეკუტია არ მიეყვანა.
სალხინოში, მოსალოდნელი დაპირისპირების შესახებ ჯერ კიდევ გუშინდლიდან ვრცელდება ინფორმაცია. ამასთან დაკავშირებით, გვიან ღამით სპეციალური მიმართვაც გაავრცელა მეუფე სტეფანემ.
ამავე თემაზე:
- "თავი დამანებე თორე ჯოხით გაგაგდებ აქედან..." - კლიმენტი კეკუტია და ჭყონდიდის დაპირისპირება
შეხვედრიდან გაიქცა... გამდიდრებული ჭინკა კაცია - მეუფე პეტრე კლიმენტი კეკუტიაზე - სალხინოში ლაშა პაპაშვილი და კლიმენტი კეკუტია დღესაც მივიდნენ - რა ხდება ადგილზე
- სალხინოში თავდასხმას ელოდებიან - ტაძრის მამაოებისა და მრევლის ნაწილი მუქარაზე საუბრობს
