"ქართული ოცნების" 9-წლიანი მმართველობის შემდეგ არსებული არაერთი შეუსრულებელი დაპირების პარალელურად, ეკონომიკის მინისტრი ნათია თურნავა მოსახლეობას საქართველოში საწარმოების აშენებასა და მილიონობით ლარის ინვესტიციას პირდება:
თელავში, სოფელ აჩინებულში შეიქმნება მცირე სამაცივრე მეურნეობა, 616 000 ლარის ინვესტიცია და რამდენიმე ათეული ადამიანის დასაქმება იგეგმება. ქალაქ ზესტაფონში შეიქმნება ბოჭკოვანი მინის მწარმოებელი საწარმო - ეს არის 2 152 000 ლარის ინვესტიცია, ასევე რამდენიმე ათეული ადამიანის დასაქმება, თბილისში, ფონიჭალაში შეიქმნება სამშენებლო მასალისა და ლითონის ნაწარმის მწარმოებელი მცირე საწარმო, მილიონ ლარზე მეტის ინვესტიცია. ასევე ფონიჭალაში შეიქმნება ქიმიური პროდუქციის მწარმოებელი მცირე საწარმო, რომელიც 600 000-ზე მეტი ლარის ინვესტიციას ითვალისწინებს, - ამბობს თურნავა.
იხილეთ ასევე:
