ეკონომიკისა და მდგრადი განვითარების მინისტრის მოადგილედ "ქართული ოცნების" დეპუტატი, მარიამ ქვრივიშვილი დაინიშნა. ის სამინისტროში ტურიზმის, ავიაციისა და კურორტების განვითარების მიმართულებებს უხელმძღვანელებს.
ქვრივიშვილი მმართველი გუნდის პოლიტსაბჭოს წევრიცაა, პარლამენტში კი ევროპასთან ინტეგრაციის კომიტეტის თავმჯდომარის პირველი მოადგილე იყო.
პარლამენტში არჩევამდე ქვრივიშვილი ეკონომიკისა და მდგრადი განვითარების სამინისტროს ტურიზმის ეროვნულ ადმინისტრაციას ხელმძღვანელობდა.
