ბათუმელი სპორტსმენების, ძმები წულუკიძეებისა და მათთან ერთად დაკავებული 7 პირის სასამართლო პროცესი ქუთაისის სასამართლოში ამ წუთებში მიმდინარეობს.
დაცვის მხარე პატიმრობის გირაოთი შეცვლის შუამდგომლობას დააყენებენ და პატიმრობის 5 000 -ლარიანი გირაოთი ჩანაცვლებას მოითხოვენ. უფლებადამცველები ამბობენ, რომ საქმე პოლიტიკურად მართულია, რადგან დაკავებულების ნაწილი ოპოზიციურ პარტიებს მხარდაჭერას უცხადებდნენ. ჯერჯერობით უცნობია დააკმაყოფილებს თუ არა მოსამართლე ადვოკატების შუამდგომლობას.
"მიმაჩნია, რომ როგორც დანარჩენი 6 პირი, ასევე, ელდარ ანთაძე არის განსაკუთრებით უკანონო პატიმარი. მის მიმართ უნდა შეიცვალოს პატიმრობა გირაოთი, რადგან სასამართლოს დამოუკიდებლობის ტესტი ასეთ საქმეებზე გადის და არა სტატისტიკაზე",- ამბობს ადვოკატი გიორგი ფანცულაია.
შვიდივე დაკავებულს გამოძიება 225-ე მუხლით ედავება, რაც ჯგუფურ ძალადობას გულისხმობს. აღნიშნული მუხლი 4-დან 7 წლამდე პატიმრობას ითვალისწინებს
ამავე თემაზე:
