I კვარტალში საქართველოში პირდაპირი უცხოური ინვესტიციები 28,3%-ით შემცირდა - საქსტატი
გამოქვეყნდა:
ჩვენთან ერთად მოიპოვეთ თავისუფლება!
საქსტატის წინასწარი მონაცემებით, საქართველოში განხორციელებული პირდაპირი უცხოური ინვესტიციების მოცულობა 2021 წლის I კვარტალში 28,3%-ით შემცირდა და 125.4 მლნ. აშშ დოლარი შეადგინა.
მათივე ინფორმაციით, შემცირების გამომწვევ უმთავრეს მიზეზად სახელდება რეინვესტიციის მოცულობის შემცირება და რამდენიმე საწარმოს გადასვლა საქართველოს რეზიდენტის საკუთრებაში.
2021 წლის I კვარტალში საქართველოში განხორციელებული პირდაპირი უცხოური ინვესტიციების მიხედვით, უმსხვილესი ინვესტორების 5-ეული შემდეგია:
- გაერთიანებული სამეფო - 88.4 მილიონი დოლარი;
- რუსეთი - 31.9 მილიონი აშშ დოლარით;
- თურქეთი - 24.5 აშშ დოლარი;
- ჩეხეთი - 14.1 აშშ დოლარი;
- არაბთა გაერთიანებული საამიროები - 12.8 აშშ დოლარი.
2021 წლის I კვარტალში ყველაზე მეტი პირდაპირი უცხოური ინვესტიცია საფინანსო სექტორში განხორციელდა და 93.9 მლნ. აშშ დოლარს მიაღწია, მეორე ადგილზე იმყოფება ენერგეტიკის სექტორი - 35.5 მლნ. აშშ დოლარით, ხოლო მესამეზე - დამამუშავებელი მრეწველობის სექტორი 27.9 მლნ. აშშ დოლარით.
