ახალისებს ჰომოფობიასა და სიძულვილს - NGO-ები პრაიდზე "ოცნების" წევრების განცხადებებს გმობენ
გამოქვეყნდა:
სამოქალაქო პლატფორმა "არა ფობიას!" "კოალიცია თანასწორობისთვის" და სამოქალაქო საზოგადოების სხვა ორგანიზაციები, 5 ივლისს დაგეგმილ პრაიდთან დაკავშირებით "ქართული ოცნების" თავმჯდომარის, ირაკლი კობახიძისა და მმართველი გუნდის დეპუტატის, დავით სერგეენკოს განცხადებას გმობენ.
არასამთავრობო ორგანიზაციები აღნიშნავენ, რომ მათი განცხადებები ჰომოფობიურია და სექსუალური ორიენტაციისა და გენდერული იდენტობის ნიშნით დისკრიმინაციის წამახალისებელია, რაც ადამიანის უფლებათა კონსტიტუციურ და საერთაშორისო სტანდარტებს ეწინააღმდეგება.
"სტანდარტების საწინააღმდეგოდ, ირაკლი კობახიძისა და დავით სერგეენკოს განცხადებები არათუ ხელს არ უწყობს ლგბტ+ თემის მიმართ ტოლერანტული დამოკიდებულების დამკვიდრებას, არამედ, პირიქით, ახალისებს ჰომოფობიას და სიძულვილს. მათი, როგორც ხელისუფლების წარმომადგენლების ნათქვამი, კიდევ უფრო აგულიანებს ჰომოფობიურ ჯგუფებს, ვინაიდან პოტენციური თავდასხმის გამო პასუხისმგებლობას აკისრებს ღირსების მარშის ორგანიზატორებს და არა აგრესიულად განწყობილ ჯგუფებს მაშინ, როდესაც სწორედ ამ უკანასკნელთა მხრიდან ხორციელდებოდა და ხორციელდება მუქარა და ძალადობრივი ქმედებები", - წერია განცხადებაში.
არასამთავრობოების განცხადებაში ასევე ნათქვამია, რომ ხელისუფლების წარმომადგენლების მხრიდან პრევენციული ზომების მიღება განსაკუთრებით მნიშვნელოვანია მაშინ, როცა საქმე ერთ-ერთ ყველაზე მოწყვლად ჯგუფს, ლგბტ+ თემს ეხება და ხელისუფლებისთვის წინასწარ ცნობილია ქვეყანაში არსებული ჰომოფობიური კონტექსტი.
არასამთავრობო ორგოანიზაციები ხელისუფლებას მოუწოდებენ:
- არ გაავრცელონ ჰომოფობიური და სიძულვილის წამახალისებელი განცხადებები;
- გააკეთონ თანასწორობის მხარდამჭერი განცხადებები და ცხადად წარმოაჩინონ რომ ჰომოფობიური ძალადობა არ დარჩება პასუხგაუცემელი სახელმწიფოს მხრიდან;
- უზრუნველყონ ღირსების მარშის უსაფრთხო და მშვიდ გარემოში ჩატარება.
განცხადებას ხელს აწერენ:
- საქართველოს დემოკრატიული ინიციატივა (GDI)
- მედიის განვითარების ფონდი (MDF)
- ტოლერანტობისა და მრავალფეროვნების ინსტიტუტი (TDI)
- საქართველოს ახალგაზრდა იურისტთა ასოციაცია (GYLA)
- საქართველოს ღია საზოგადოების ფონდი (OSGF)
- უფლებები საქართველო (Rights Georgia)
- საქართველოს რეფორმების ასოციაცია (GRASS)
- სამართლიანი არჩევნებისა და დემოკრატიის საერთაშორისო საზოგადოება (ISFED)
- დემოკრატიისა და უსაფრთხო განვითარების ინსტიტუტი (IDSD)
- საერთაშორისო გამჭირვალობა-საქართველო (TI Georgia)
- თანასწორობის მოძრაობა
- ადამიანის უფლებათა ცენტი (HRC)
- პარტნიორობა ადამიანის უფლებებისთვის (PHR)
- საფარი
- სოციალური სამართლიანობის ცენტრი
- ქალთა ინიციატივების მხარდამჭერი ჯგუფი (WISG)
- სხვა ხელმომწერი ორგანიზაციები:
- სოლიდარობის თემი
- მსოფლიო ექიმები საფრანგეთი (MDM)
- წამების მსხვერპლთა ფსიქოსოციალური და სამედიცინო რეაბილიტაციის ცენტრი - GCRT
- მანდალა
- ქალები საერთო მომვლისთვის (WECF) საქართველო
- ქალები საქართველოდან
- ქალთა მოძრაობა
- მოძრაობა სირცხვილია
- თბილისის ადამიანის უფლებათა სახლი (HRHT)
- ინფორმაციის თავისუფლების განვითარების ინსტიტუტი (IDFI)
- პარტიზანული მებაღეობა თბილისში
- აკესო
