შეასრულონ შეთანხმება... მიზანი დამოუკიდებელი მართლმსაჯულების სისტემის გაუმჯობესებაა - აშშ-ის ელჩი პარტიებს
გამოქვეყნდა:
აშშ-ის ელჩი საქართველოში, კელი დეგნანი პოლიტიკურ პარტიებს შარლ მიშელის შეთანხმების შესრულებისკენ კიდევ ერთხელ მოუწოდებს და საქართველოში დამოუკიდებელი მართლმსაჯულების სისტემის გაუმჯობესებასა და გაძლიერებას უსვამს ხაზს. ამის შესახებ დეგნანმა იუსტიციის მინისტრთან შეხვედრის შემდეგ ისაუბრა.
"ყველამ ვიცით, რომ სამართლის უზენაესობა და სასამართლო სისტემა ძლიერი დემოკრატიის ქვაკუთხედია და სწორედ ამიტომ არის ჩვენი თანამშრომლობა იუსტიციის სამინისტროსთან ასეთი მნიშვნელოვანი. გასული წლის არჩევნების შემდეგ გამართული მოლაპარაკებების პერიოდში ვიხილეთ, რაოდენ მნიშვნელოვანია ძლიერი და დამოუკიდებელი მართლმსაჯულება. სწორედ ამიტომ კმაყოფილება გამოვთქვით, რომ პოლიტიკურმა პარტიებმა მოლაპარაკებების შედეგად მიაღწიეს შეთანხმებას სასამართლო რეფორმის შესახებ, რაც 19 აპრილის შეთანხმებაშია ასახული.
ჩვენ მკაფიოდ მოვუწოდებთ ყველა პარტიას, როგორც მმართველ ისე ოპოზიციურ პარტიებს, შეასრულონ 19 აპრილის შეთანხმება მისი სრული სულისკვეთებით. მიზანი არის დამოუკიდებელი მართლმსაჯულების სისტემის გაუმჯობესება და გაძლიერება. ეს არის საქმე, რომელიც ყველამ უნდა შევასრულოთ და რომელიც საქართველოს საუკეთესო ინტერესებს ემსახურება", - ამბობს კელი დეგნანი.
იხილეთ ასევე:
