გორში პოლიციელს სცემეს. შემთხვევა ცოტა ხნის წინ სტალინის სახლმუზეუმის მიმდებარე ტერიტორიაზე მოხდა.
თვითმხილველების თქმით, სამართალდამცველსა და მოქალაქეს შორის სიტყვიერი დაპირისპირება ხელჩართულ ჩხუბში გადაიზარდა.
უცნობია დაპირისპირების მიზეზი. შემთხვევის ადგილზე დამატებითი საპოლიციო ძალების გამოძახება გახდა საჭირო, რომლებმაც ინციდენტის ადგილი გადაკეტეს.
პოლიციამ ერთი პირი დააკავა. მომხდარ ფაქტთან დაკავშირებით შსს-მ გამოძიება უკვე დაიწყო.
