შინაგან საქმეთა სამინისტრომ "ქურდული სამყაროს“ წევრობის, ქურდული სამყაროს საქმიანობის მხარდაჭერის და კანონიერი ქურდისთვის მიმართვის ბრალდებით 25 პირი დააკავა - უწყება მონაწილე პირების ვიდეოჩანაწერს ავრცელებს.
ვიდეომასალას თან ახლავს საუბრები სატელეფონო ჩანაწერებიდან.
"შენ გეკითხები მე სოსო ტურაშვილი ოფიციალურად ცხოვრებით ქურდი. აგერ ესწრება კიდე მომავალი ქურდი ვარო დღეს თქვა, დღეს გავიცანი ეს ბიჭი, აგერ გეუბნები კაი ბიჭია, აგერ კაი ბიჭია, გიფიქსირებ და გეუბნები უჩვენოდ შენ მაგას ვერ ნახავ, შენ გეუბნები, რომ შენ ახლა ქურდულ პარიადკას სცდები...მე თუ ქურდი, სოსო ტურაშვილი ვთვლი რომ შენზე დასარტყმელი იყო სიმონ, შენთვის უნდა დამერტყა? "
"შევხვდებით ერთად და იქნება ლაპარაკი ქურდული! როგორც საჭიროა ისეთი განაბული, გამიგეე?"
"რა ანგარიში ბიჭო, შენ მანათიანი არ მოგიტანია აქამდე, შე **სტო შენ!"
"ჩამოყალიბებული კაცი ვარო მაგას იძახი და ქურდების ძმაკაცი ხარ და მომავალი ქურდების ბოლობოლო და გეუბნები ძმაო, ძმაკაცურს და ქურდულს სჭირდება მასე-მეთქი და ნუ იზამ ისე, რო გადმოვიდე და მოგიდგე ქურდულად მე, რუსთავის უშუალოდ "ნავიდუ" ვინც ადგას, ვიღაცა პეხოტაზე კი არ მაქვს ლაპარაკი აი ირიკონგი ვინც არიან ბლატნოები, ხო აზრზე ხარ, აი მაგათ დავიჯენ და მე ეგ შემიძლია, რომ ქურდულად თავიდან ბოლომდე ისეთ აჟურში მოვუყვანო გამიგეე" - ისმის ჩანაწერებში.
შსს-ს ინფორმაციით, იდენტიფიცირებულ 4 პირს სასჯელაღსრულების დაწესებულებაში ბრალი წარედგინა, იძებნება 2 პირი. ბრალდებულების კრიმინალური ქმედებებით დაზარალებულია 100-მდე მოქალაქე.
