შესაძლოა, საქართველოს ევროკავშირთან უვიზო რეჟიმი შეუჩერდეს | რუსეთი საქართველოსთან ურთიერთობების დალაგების მზადყოფნას გამოთქვამს
გამოქვეყნდა:
ხელისუფლებამ, რომელიც მიზანმიმართული იზოლაციის გზას დაადგა, შესაძლოა ქვეყანას გამოუსწორებელი ზიანი მიაყენოს. კიდევ ერთი მკაცრი გაფრთხილების ავტორი ევროკავშირია, რომელიც დღის წესრიგში საქართველოსთვის უვიზო რეჟიმის შეჩერების საკითხის დაყენებას არ გამორიცხავს.
ევროკომისიის სპეციალურ ანგარშში ნათქვამია, რომ საქართველომ უნდა დაასრულოს უზენაესი სასამართლოს რეფორმა და მოსამართლეთა შერჩევის პროცედურა სრულად შეუსაბამოს ევროპულ სტანდარტებს. დოკუმენტში ასევე ხაზგასმით არის ნათქვამი კორუფციის მაღალი დონისა და პროკურატურის რეფომირების აუცილებლობაზე.
ევროკომისიის ანგარიის პარალელურად განცხადებას აკეთებს რუსეთის დიპლომატიური უწყება, რომელიც მზადყოფნას გამოთქვამს, დაალაგოს საქართველოსთან ურთიერთობები.
რუსეთს არასდროს დაუსვამს ტოლობის ნიშანი მიხეილ სააკაშვილის დანაშაულებრივ რეჟიმსა და ქართველ ხალხს შორის.
ჩვენ მზად ვართ აღვადგინოთ ურთიერთობები ჩვენს სახელმწიფოებს შორის [იმ დონეზე], რამდენადაც ამისთვის მზად არის ქართული მხარე, ჩვენ ვიმედოვნებთ, რომ გაიმარჯვებს საღი აზრი და ჩვენი ქართველი პარტნიორები დაიწყებენ ურთიერთობების დამყარებას მეზობლებთან, ინტერესთა ბალანსის გათვალისწინებით, - ამბობს რუსეთის საგარეო საქმეთა სამინისტროს წარმომადგენელი ალეკსანდრ ბიკანტოვი.
იხილეთ ასევე:
