2 000 ლარის ქრთამად აღებისთვის ეროვნული სატყეო სააგენტოს თანამშრომელი დააკავეს
გამოქვეყნდა:
სახელმწიფო უსაფრთხოების სამსახურის ინფორმაციით, ქრთამის აღებისთვის სსიპ "ეროვნული სატყეო სააგენტოს" გურიის სატყეო სამსახურის ოზურგეთის სატყეო უბნის უფროსი დააკავეს.
გამოძიებით დგინდება, რომ მოქალაქეს 102 კუბური მეტრი ხე-ტყის მასალის წარმოშობის დამადასტურებელი დოკუმენტების გადაცემის სანაცვლოდ, სსიპ "ეროვნული სატყეო სააგენტოს" გურიის სატყეო სამსახურის ოზურგეთის სატყეო უბნის უფროსი მოქალაქეს ქრთამის სახით 2 000 ლარი გამოართვა, რა დროსაც იგი ბრალდებულის სახით დააკავეს.
გამოძიება ქრთამის აღების ფაქტზე მიმდინარეობს.
