"ხელისუფლება, რომელიც ვერ იძიებს გახმაურებულ საქმეებს, ოპონენტების დევნითა და ჩხრეკითაა დაკავებული" | იურისტები კობა ნაყოფიას საქმეზე

იურისტები აეროპორტში მომხდარ ფაქტზე პასუხისმგებლობას ხელისუფლებას აკისრებენ და დროულ გამოძიებას ითხოვენ, რატომ არ უშვებდნენ "ნაციონალური მოძრაობის" ერთ-ერთ ლიდერს, კობა ნაყოფიას საქართველოში. სამართალმცოდნეები ამბობენ, რომ "ქართული ოცნება" გაზრდილ კრიმინალთან ბრძოლის ნაცვლად, ოპონენტების დევნითა და თვალთვალითაა დაკავებული.

იურისტი გიგა ლემონჯავა ამბობს, რომ ის რაც გუშინ კობა ნაყოფიასთან დაკავშირებით საზოგადოებამ იხილა, კონსტიტუციის მკაფიო და უხეში დარღვევაა.  მისი თქმით, "მაშინ როდესაც რუსეთის გავლენა არის უპრეცედენტოდ მაღალი, უსაფრთხოების სტრუქტურები ოპოზიციონერი პოლიტიკოსების დევნით არიან დაკავებული, რაც "ბელარუსიზაციისკენ" გადადგმული ნაბიჯია". 

იურისტი ლევან სამუშია კი ამბობს, რომ "ივანიშვილის რეჟიმი პოლიტიკური არსებობის ბოლო ეტაპზეა, აქედან გამომდინარე აგონურ მდგომარეობაში არიან და მასობრივ ფსიქოზში გადავიდნენ". 

ცნობისთვის, 21 აგვისტოს, თბილისის საერთაშორისო აეროპორტში კობა ნაყოფიას საზღვრის დაცვის თანამშრომლები საქართველოში შემოსვლის საშუალებას 1 საათის განმავლობაში არ აძლევდნენ. დაცვის თანამშრომლებმა უკანონო ქმედებასაც მიმართეს და ოპოზიციონერ ლიდერს ბარგი გაუჩხრიკეს. 

მომხდარზე ოფიციალური განმარტება ამ დრომდე არ გაკეთებულა.

იხილეთ ასევე:

• "ათვალიერებდნენ ჩემს ბარგს, მერე ხელჩანთაც გაჩხრიკეს, რისი უფლებაც არ ჰქონდათ" - რატომ არ უშვებდნენ ქვეყანაში კობა ნაყოფიას
• პარლამენტის წევრს, კობა ნაყოფიას აეროპორტის სასაზღვრო სამსახური არ უშვებს ქვეყანაში... დაუყოვნებლივ მიიღეთ ზომები - ნიკა გვარამია
• ნაყოფიას არ უშვებენ საქართველოში, ეს უკვე ბელარუსია -გიგი უგულავა