ირაკლი ბაღდავაძე, რომელმაც "თბილსერვისი" კორუფციაში ამხილა, სამსახურიდან გამოუშვეს
გამოქვეყნდა:
ირაკლი ბაღდავაძე, "თბილსერვისის" მეეზოვე, რომელიც ერთ-ერთი იყო ვინც კორუმპირებული და უსამართლო სისტემის წინააღმდეგ ხმა აიმაღლა და გაიფიცა, დღეს სამსახურიდან გაუშვეს. ინფორმაციას "მთავარი არხის" გენერალური დირექტორი ნიკა გვარამია Facebook-ზე ავრცელებს.
ცნობილია, რომ ირაკლი ბაღდავაძე სამსახურში აღდგენისა და სამართლიანობის მოთხოვნით მშრალ შიმშილობას იწყებს და დღეიდან წყლისა და საკვების მიღებაზე უარს აცხადებს.
ირაკლი ბაღდავაძე, კაცი, რომელმაც ამხილა უზარმაზარი მასშტაბის კორუფცია დასუფთავების სამსახურში, დაითხოვეს სამსახურიდან და გაჭირეს შიმშილისთვის. ტერორისტები, - წერს ნიკა გვარამია.
ცნობისთვის, თბილისის მერიის დასუფთავების სამსახურის თანამშრომელმა, ირაკლი ბაღდავაძემ სამსახურში დამამცირებელ მოპყრობასა და კორუფციაზე, ხმამაღლა ისაუბრა "მთავარი არხის" გენერალური დირექტორის, ნიკა გვარამიას გადაცემაში "მთავარი აქცენტები" ისაუბრა.
ამავე თემაზე:
- "წამიყვანეს ხელმძღვანელთან სალაპარაკოდ... ისე გამჩხრიკეს, შარვალიც კი ჩაიხადეო..." | მეეზოვე, აქციების შემდეგ, ხელმძღვანელთან შეხვედრის სკანდალურ დეტალებს იხსენებს;
- რა ხდება არჩევნების დროს დასუფთავების სამსახურში და რას აიძულებს ხელმძღვანელობა მეეზოვეებს | სკანდალური დეტალები "მთავარ აქცენტებში";
- სამკერვალოში მითხრეს, თქვენს ფორმებს კალაძის მეუღლე კერავსო - დასუფთავების სამსახურის თანამშრომელი;
- რა არის "ციყვი" - რატომ ეძახის თბილისის მერია თანამშრომლებს "ციყვებს" | დასუფთავების სამსახურის თანამშრომელი "მთავარ აქცენტებში"
